Dhoom TV News Mirpur Mathelo sikh brotheri
ميرپور ماٿيلو(رپورٽر) ميرپور ماٿيلو؛ ڀارت کان آيل سک برادري جر هڪ وفد ڊپٽي ڪمشنر گهوٽڪي سان سندس آفيس ۾ ملاقات ڪئي، ضلعي انتظاميه پاران ڀرپور تعاون فراهم ڪرڻ تي شڪريو ادا ڪيو، ڊپٽي ڪمشنر پاران آيل مهمانن کي اجرڪن جا تحفا ڏنا. تفصيل موجب سک برادري جي 10هين گرو گوبند سنگهه جي مهراج جي 154هين جنم ڏينهن جي مناسبت سان تقريبن ۾ شرڪت لاءِ ڀارت کان گردوارا بابا نانڪ شاه ڏهرڪي آيل سک برادري جي هڪ وفد ڀائي پلبريت سنگهه، ڀائي جسبير سنگهه ۽ پرمند سنگهه جي اڳواڻي ۾ ميرپور ماٿيلو پهچي ڊپٽي ڪمشنر گهوٽڪي محمد عثمان عبدﷲ سان سندس آفيس ۾ ملاقات ڪري ضلعي انتظاميه پاران ڀرپور تعاون فراهم ڪرڻ تي شڪريو ادا ڪيو. ان موقعي تي سک برادري جي مهمانن جو چوڻ هو ته هنن کي پاڪستان ۾ ڪنهن به قسم جي مشڪل پيش نه آئي، سمورن ادارن پاران ڀرپور تعاون فراهم ڪيو ويو جنهنڪري هو پنهنجي گرو جي جنم ڏينهن واري تقريبن ۾ آساني سان شرڪت ڪري سگهيا. ان موقعي تي ڊپٽي ڪمشنر پاران سمورن مهمانن کي اجرڪن جا تحفا ڏنا ويا.
Comments
Post a Comment